恭喜恒生「水哥」張樹槐(Walter，右)昨日順利完成吳哥窟帝國馬拉松，亦係佢嘅第64馬，當地氣溫攝氏30度以上，都咪話唔辛苦！不過今次都有好多香港人參與，跑全馬的500幾人中，香港人約有30人。水哥fb就po咗張同兩名跑友的合照，係同雙職母親李穎旋(Alice)及佢18歲的「火星」(有自閉症)兒子Celvin影嘅。呢對母子跑友本身就是個勵志故事，據說本來是零運動的Alice，初先帶兒子行山遠足，繼而認真長跑，展開積極人生，依家仲會跑步為慈善機構籌款。水哥話Alice兩人比佢快15分鐘完成賽事，而Celvin覺得很開心，水哥仲寫咗句：Alice doesn’t let autism define his son!
水哥早前出版咗本書《跑出一片天》後，對推廣跑步運動有一定貢獻，好多平日唔運動嘅朋友，亦嘗試跑番下，於跑步中同自己對話。至於今次吳哥窟帝國馬拉松，賽道位於柬埔寨千年歷史名勝，今年舉辦到第4屆。