有些題目，拿出來討論又怕得失朋友，但今天終於都不吐不快！選擇當freelancer，有人是為勢所迫，有人是希望更有彈性地安排工作和家庭生活，姑勿論是甚麼原因，只要是以「工作」身份現身於職場上，就要表現得專業。
上周客戶line up了包括我在內三個freelancer工作單位一同討論一個新project，但其中一位freelancer M女士竟然遲到一小時以上……OMG，只見她滿頭大汗、一身瑜伽運動裝加一件運動外套的打扮衝入會議室，然後連聲Sorry就一屁股坐在椅上。顯然地，客戶跟M女士是比較熟，問M幹麼一身運動裝現身，M答道：「今日係親子運動日，我同個仔一齊比賽，攰死人，跟住頭先又搭錯車……」客戶說：「其實使咩約今日喎，個project又唔係聽日要開始。」M竟然答：「我諗住今日出埋嚟，唔使特登出多次街，慳番啲車錢嘛！」
開會期間，M發覺現原來自己帶漏了一大堆文件，要勞煩客戶在會議室出出入入，替M列印文件複本和找資料；開會期間，M每三句話總有一句是提到自己子女和家庭，說怎樣難兼顧和忙碌，搞到講來講去會議都沒甚進展。另一位freelancer忍不住跟我竊竊私語：「唔講，真係以為M先至係客。」雖然我沒有兒女，但明白作為職業女性要兼顧家庭和工作是困難的，然而在工作時終日把家庭掛在咀邊，甚至以此為犯錯理由而希望別人體諒，難免會令人覺得煩厭。未來還有一段日子要跟M朝夕相對，唉……！一男一女兩個資深副刊記者，N年前一齊下海撈散，從此不想再受公司制度束縛。
