最近我們跟另一對情侶Freelance檔飯聚，本來只是想笑笑談談吃吃飯，結果卻成為了這對情侶的樹洞，大聽他們吐工作的苦水。A先生跟B小姐一起接了一項長期工作，本來一直都準時收到酬勞，但大半年前老細開始拖數，累積金額以十萬計；本來老早就可控告對方，A和B卻一直為了背後有份參與工作的朋友有工開，所以忍辱負重自己墊款，也跟老細保持合作關係。
不過，這位老細除了拖數之外，連工作上的安排都一樣拖。A說：「我從來都唔多出聲追佢錢，只追佢攞料完成工作，但呢幾個月電話、whatsApp都搵唔到人，要我企喺佢公司門口搵佢先現身。」A續說：「追佢債就話係壞人啫，追做嘢啲料都避？佢又預期我哋會按計劃準時完成喎！」到上個月老細突然人間蒸發一樣，其秘書說他到大陸出差，所以看不到whatsApp，連他家人都找不到他……A、B都有感他們在扯貓尾，於是……「我跟秘書講都成七日搵唔到佢」A說：「我哋都好擔心佢安危，不如咁啦，你同佢家人建議報警啦。唔係就我哋報啦，話晒佢都係我哋債仔……」結果這話一出，不到半小時老細再次現身在WhatsApp中！我跟他們說這次雖有效，但下一回未必work，還是當機立斷用正常法律途徑解決好了。