會展特製「火鳳凰」朱古力樹作為傳媒宴壓軸，梅李玉霞解釋係寓意香港經濟如鳳凰般浴火重生，振翅高飛。
疫情後生活復常，香港的會展業亦傳來好消息。會展董事總經理梅李玉霞(Monica)日前舉辦復常後第一個傳媒午宴，交代會展管理公司最新的業務發展。佢話，以剛結束的國際珠寶展為例，有6萬幾人參與，現場睇場面震撼，亦係於疫情期間「去咗第二度都會返嚟」的好例子，而事實上疫情前每年70幾個B to B性質嘅展覽項目，全部都會「返晒嚟」，一個都沒有少，令人十分振奮，可見香港會展業的優勢仍在。
Monica又話，3年疫情令世界不一樣，很多事物可以虛擬在網上舉行，好像已成為常態，但現實是，市場對實體展覽的需求仍然很大，而且香港比疫情前多了很多新地標及景點，好有吸引力。例如快開幕的國際藝術展Art Basel就會回復到疫情前的規模，將成為國際文化盛事。佢又補充，疫情期間，會展趁機加快提升設施的5年工程計劃，以及加緊實踐「淨零碳活動約章」，增強香港會展業的競爭力。