Ray放假有時都會去大陸短線遊，日前上咗惠州出席廣東旅遊春茗晚宴，當晚以「創新開拓 邁進十年」做主題，除咗佢地一班領導層，包括董事史進、汪波，總經理石峻嶺、助理總經理鄧文亮、顧問陳玉林等之外，出席嘅仲有樂兔實業總經理徐永德、紅杜鵑假期副總經理石林、中影國際總經理趙鵬等主禮嘉賓，同埋有多間合作夥伴嘅代表，有近280人一齊慶祝新年即將來臨。其中鄧文亮致辭時就話，廣東旅遊2019嘅總營業額超過3億元人民幣，喺困難重重之下仍可超額完成目標。而且公司舊年舉辦嘅活動，亦都廣受客人認可，仲同香港星晨旅遊達成咗戰略合作方案。佢仲話廣東旅遊將會擴大業務範圍，會加埋歐美同國際長線業務，大家第日去旅行又有更多選擇。