呢幾日喺街上面見到警察，都開始驚驚哋佢哋。佢哋一邊大大聲講警民之間應該互相尊重互相包容同埋接納，但另一邊亦可以喺佢哋自己嘅集會裡面大叫「X你老X」呢四隻字無人不曉甚至人人都可能講過，但絕對唔會約埋同袍甚至約埋家屬一齊到一個露天地方異口同聲雄心壯志咁講粗口，還有數名律師在場，基本上呢個「萬名警員講粗口」活動係絕對有資格申請做健力士世界紀錄。
以前好多警察犯錯事件，好多時自己都可以安慰自己只係個別事件，警察多次犯嘅風化案、盜竊、醉駕等等，縱使翻新聞就知道警察犯罪嘅新聞多籮籮，都會同自己講樹大有枯枝，唔係全部警察都係咁嘅。
但今次唔同，警察公布「出席私人活動」人數為三萬三千(注意：警察公數字跟警方公數字的定義上是不同的)有三萬三千位執法者及其家屬公開地高聲侮辱女性，仲要佢哋講完之後仍不停傳出笑聲，可怕嗎？未夠可怕，他們一邊侮辱女性，一邊又喊著要增設辱警罪，可怕嗎？都未夠怕，更可怕係佢地整個集會並沒有秉公辦理，事前沒有申請，沒有向警方申請不反對通知書，集會整個過程警方並沒有一個軍裝警員出現作人群管理維持秩序，代表甚麼？代表警方相信警員嘅自制能力？他們屢次在休班時破壞社會安寧甚至被法庭定罪，警方憑甚麼坐視不理呢？你以為這夠可怕了嗎？不，最可怕係在集會當中有幾位律師出席集會，但眼見聽到警員齊聲講粗口都沒有立即阻止及追究，連法律界都隻眼開隻閉這才是最恐怖的地方。天生與皮膚癌同生共死，生前已寫好遺書，辦好葬禮，深信擁抱死亡才能活在當下。
[email protected]/周一刊登