現今社會環境，最重要就係宣揚正向人生！Ray上星期就去咗油塘大本型，撐老友華人永遠墳場管理委員會(華永會)舉辦「Shine！齊來善亮人生」活動，佢哋近日積極宣揚「永懷人生」及「善亮人生」兩大理念，真係好值得大家學習。當日活動吸引咗成班大人小朋友捧場，又聽到彈唱歌手Siu Yuen楊智遠表演，又得到癲噹設計嘅筆記簿，又大玩遊戲攞豐富獎品，名副其實教導大家實踐正向人生。
原來華永會自1991年起，已經資助本地非牟利團體推行各項慈善項目。至今，華永會捐助嘅慈善項目超過3,300項，受惠人次數以百萬計，累積捐款金額更達港幣10億元。近年，佢哋仲積極推動生命教育，將正向思維、生命道德教育、人性化概念同社會貢獻四項元素融入設施細節、服務範疇同慈善工作，成為長遠發展嘅基礎與方向。
如果大家想緊貼留意華永會最新善亮人生活動，即刻Like及Share華永會兩個Facebook專頁 1. 永懷人生-華人永遠墳場管理委員會；2. 善亮人生-華人永遠墳場管理委員會，一齊建構更閃亮和燦爛人生！