11月即將過去，繼美國感恩節、黑色星期五、各大百貨公司購物優惠日後，相信沙田新城市廣場的「JUST BUY WEEKS感謝祭」又會成為消費者的焦點。查實呢個活動5月份首辦後叫好叫座，今次會加碼至長達19天，聯同超過130家商戶推出震撼抵價優惠，包括過萬件低至1元、1折及100元貨品，務求成為年度購物「折」慶，為愛美OL、型格潮媽及甜心人妻帶來至筍的換季及聖誕禮物提案。
感謝祭前日已經開始，一直去到12月15日，今次除咗海量減價貨品外，仲有個新玩法，令大家可以邊買邊賺。只要活動期間於參與商舖消費滿指定金額，即有機會以1折入手全城追捧的Apple新產品、Dyson Supersonic風筒及V11 Torque直立式吸塵機、Bobbi Brown 亮肌彩妝組合、Tom Ford Beauty四色眼影盤、NARS多功能胭脂盤等Hot Items。