未做crew之前，總覺得時間過得好慢，假期貶眼就過，個個星期無限輪迴，每月出糧日好似等成年，出咗糧反正又買唔到樓，月頭就使晒，之後的日子度日如年。如是者就決定轉工。由一份regular星期一至五，朝九晚唔知幾點，到現在打亂時間永遠唔知星期幾的工，感覺良好。
每個月出更表一刻開始有心理準備，充唔充實睇天意。飛一次長途可能要5至6日，短途兩三日，返三兩次工可能就過咗大半個月。相對論的「時間膨脹」話太空人於光速飛行中時間減慢後生啲，乘務員在空中捉緊秒速，皮膚卻偷偷鬆了。日積月累，身體亦留有唔少歲月的痕跡。手甲塗幾多lotion都係乾到裂、小腿企到靜脈曲張、腰骨痠痛，就算返到香港都會有jet-lag，凌晨突然扎醒………但我仍然很享受這工作帶給我的機會，像是選到了對的人，就會想同佢一路行落去的感覺。
人生雖然不能盡如願，生活方式卻可以選擇。希望大家在艱難的歲月中仍能找到適合自己的生活方式，堅持走下去。
「我想要的不是快樂，而是覺得有趣。快樂是客觀的，要投入其中才會感到有趣。人生在世，若不覺得有趣，就很難走下去。」——樹木希林。