有薯片叔叔之稱的財政司司長曾俊華，辭職已經差不多一個月，仲未有聲氣獲中央批准，有人同佢逐日數住，而佢除咗於fb寫下post 之外，繼續保持低調，對辭職問題亦三緘其口。不過， am730社長Alan同Ray講，昨日去銅鑼灣食晏途中，就在街頭撞到佢，大家都趕住去飯局，Alan同曾俊華都係留鬚之人，兩人即興來個selfie，集下郵先。曾俊華被問到點解佢辭職差唔多成個月都未批，佢只係話........等下啦、等下啦，好悶但好穩陣的答法。不過當提到林鄭可能呢兩日會有嘢公布，佢就笑笑口話如果係林鄭的話，或者三日就批呢，不時會自嘲的薯片叔叔，果然有幽默感。