穿起白袍，救急扶危，Ray小時候同不少人一樣，希望長大後能做個救人的仁醫。港怡醫院周末一連兩日迎來400幾名只有4至9歲嘅「小醫生」，齊齊「Doctor For A Day」。呢班「小醫生」於了解完基本人體結構段，就去急症室同手術室幫「病人」洗傷口、照X光、縫合傷口，仲學埋「通波仔」嘅原理。咪睇佢哋人仔細細，港怡心臟科謝德新醫生話，有小朋友已經講得出咩係「三高」，覺得佢哋好叻！
院方話係見到新加坡有類似活動，非常受歡迎，於是引入香港，料不到於Facebook開始報名無耐已經收到9千幾個申請，本身只預備了一日200幾個先到先得名額，為免太多小朋友失望，所以決定加碼到兩日，並且改為抽籤。營運總監邱家駿醫生話，希望活動可以等小朋友了解醫院和醫生的工作，將來或者可以由「Doctor For A Day」變成「Doctor For A Life」！