七人欖球係香港的體壇盛事，年年都好旺場，今年滙豐就同東華三院合作首次舉辦「滙豐社區同樂日」，支持推動呢項有益身心嘅活動。昨日佢哋舉行開幕典禮，出席嘉賓梗係有滙豐副主席兼行政總裁王冬勝及東華三院主席啦，但講到最吸睛，就梗係淳淳BB「女飛魚」歐鎧淳啦，佢今次獲邀擔任同樂日大使，與小學生一齊參與「滙豐欖球體驗」訓練班，玩得勁開心噃！
今次嘅社區同樂日，刻意安排喺「國泰航空/滙豐香港國際七人欖球賽」前夕舉辦活動，目的就係要同市民分享欖球精神及緊張刺激嘅氣氛，讓更多人參與其中，藉著欖球凝聚社區力量。
整項活動舉辦至本月8日(周日)，於香港大球場對面嘅印度遊樂會「滙豐七人欖球地帶」的「滙豐欖球體驗」訓練班及銅鑼灣希慎廣場嘅「滙豐欖球體驗專區」，將免費向公眾開放。場內設有「國泰航空/滙豐香港國際七人欖球賽」賽事直播，以及各項老幼咸宜的表演節目。