作為港女界餅后嘅Lady M，幾時有令港女失望過？當你以為個熱潮已經完咗？咪玩啦！Lunch time又係要排隊！食食下飯一拎個千層蛋糕同姊妹慶祝，即刻贏盡全場女士豔羨目光。又或者，係咁意打個卡放上social media，馬上呃盡like！我真心佩服當年引入Lady M嘅老闆，的確好有生意頭腦，完全起晒班港女底。
其實除咗啲蛋糕俘虜人心，我要承認佢個menu都好得！而且仲要有素食選擇！冷天使麵拌溫泉蛋，雖然個名好唔作狀，但個賣相絕對係photogenic！「小清新」賣相之餘，味道仲要好。麵條爽口彈牙，拌勻溫泉蛋同其他蔬菜一啲都唔寡。難得係連我最憎嘅秋葵都變得好易入口，成個組合完全係我杯茶。加埋前菜、咖啡同千層蛋糕$198，講真，係飽到飛起，所以我建議蛋糕take away拎返office下午茶enjoy好過。
Lady M│銅鑼灣Fashion Walk加寧街1-3號地下C舖