月滿星空朱古力
Jean-Marc Gaucher
中秋前同朋友硬衝Mira個朱古力工房，睇咗一場俾錢都睇唔到嘅精彩表演。點解我入到去？嘿！因為有熟人囉！嘿嘿嘿！
睇完法籍行政糕餅總廚Jean-Marc Gaucher精彩嘅making of，令我更加珍惜每一啖朱古力，更加明白點解佢哋今年個月滿星空朱古力咁快賣晒！由揀朱古力嘅過程，到造好每一粒朱古力，Jean-Marc都一絲不苟。佢喺揀選材料之前，真係飛過去親身同農民傾晒偈，了解清楚成個種植過程，以確保品質。而個朱古力模，亦係Jean-Marc自己設計，再交由法國廠商製造，成本雖然係高，但佢笑笑口話：「無計，淘寶真係唔太可信。」每造一粒朱古力，就經過多重製作同嘗試，食材配搭全部都係Jean-Marc嘅心思。佢知道香港人唔太好甜，就特別微調朱古力甜度，簡直係細心豬！
大大聲話你知，其實Mira餅店COCO嘅甜品同朱古力都係出自佢手，唔一定等下年中秋㗎！
COCO 尖沙咀彌敦道118-130號美麗華廣場The Mira Hong Kong地下大堂