「條友簡直係未來特首，咁嘅擦鞋橋都俾佢諗得出！」在某中小企任職人事部經理的Samuel狂數一名同事的不是。話說公司的員工康樂委員會換屆，主席當然是公司欽點，至於幾位委員就由不同層級的同事提名和選舉產生，以往由於委員會除了負責添置零食之外，亦有一大舊「畢直」搞海外旅行的incentive，由於預計未來幾年都會因為疫情而未必成事，公司索性刪減獎勵旅行的預算。既然委員會再沒有決定旅行目的地的權利，做康樂委員會的吸引力大減，無人參選，亦應該甚少人投票。
Samuel說，一位人稱「地鼠」的市場部同事向老闆獻計，說為了營造公司融和的熱鬧氣氛，建議把管理層的投票率和其他同事的投票率，綜合公布一個「總和投票率」，從而拉高投票率。
「咁反智嘅事都有人提？」我問。
「地鼠仲話，可以響寫俾總公司個報告highlight呢點，證明同事都熱烈參與公司事務，係制度一大完善喎……」Samuel說，不過聽講老闆蠢唔晒，笑笑口話諗下先。
「你老闆都幾和善，咁戇居嘅員工都無鬧。」
「話晒人哋都係忠誠的廢物，做老闆嘅當然會錫住。」Samuel調侃，如果由地鼠做特首，應該可以用「綜合大法」解決好多社會深層次問題，例如將劏房戶和瞓天橋底的露宿者，兩者的居住面積綜合統計，不適切居所的人均面積便可以大大提高。或者索性興建集中營，將全港所有劏房戶綜合起來，就可以解決居住問題。甚至可以綜合所有犯國安法的被告，一次過判案，就連早前施政報告建議，增建大型法庭的需要都消失了。既方便，又環保。