無機可飛，在家「頽廢」了兩個月，連打牌都無錢俾了。但實際上是就算有工返，也沒有service，幾個鐘頭只係坐crew seat思考人生。有啲航空公司的空姐同肥珍講，他們連基本的紙巾、濕紙巾甚至紙杯都係只得幾個，只係俾機長用。如果飛四、五個鐘的中線，想用紙杯沖熱水都會被人話，資源匱乏到一個荒謬的沸點。雖然係咁，同事group依然日日有人呻話想返工，掛住layover的生活，後悔點解之前會請咁多病假……總是在失去才追悔，是人類的通病。照咁睇，如果疫情無緩和跡象，無客機，乘務員是否意味著又要大批走人呢？
在百業蕭條、人人悶到發慌的時候，肥珍有個好姊妹兼好同事竟然在郊區租了間小店！更令人驚訝的是連賣咩都唔知，到最嚇人的是下星期就開張……呢件連環不可思義事件令肥珍不得不追問發生咩事。呢個未知賣咩的老闆娘同肥珍講，佢需要動力先做到事，如果喺屋企hea，可能3、4個月就咁過咗。而且店舖相繼倒閉，租金唔貴，就當逼自己睇下可以去到咩程度。雖然對佢嘅決定，肥珍只能祝佢好運，但如果可以喺呢段時間搵到興趣，都係一件樂事。畢竟有邊個知聽日會變成點？或者仲有無聽日呢？
肥、毒、宅的空中服務員。