有看日本動漫《銀魂》的話，大概都會知道甚麼是「萬事屋」，是指甚麼工作都會替人完成的人……我想在朋友的眼中，我和飛男都算是「萬事屋」，就算不是我倆自己完成，都會「搭上搭」找適合的人選幫忙完成使命，於是不時就會有人跑來問這問那，看看我們能否幫手。
「喂，飛女，表姐夫呀！好耐唔見，你識唔識人買XXX演唱會飛呀？」(嘩，我們不是娛記呀……聽講表姐夫你家人才有人幹那行，你應該問他吧？)
「喂，飛男……我個女呢排好似冇M嚟……你估究竟乜事呢？」(喂，先生，我同你唔係好熟喎，唔使將你個女嘅健康問題同我分享，去睇醫生啦！)
「喂，我想知呢邊度有得食柴火或炭火燒嘅乳豬呀！我見你哋個FB成日有貼啲好嘢食喎……」(我哋呢，冇做過飲食版，嗰啲係我哋自己煮嘅餸嚟咋！)
以上的例子都只是冰山一角而已，最近又再有新猷──「飛男，我而家有PROJECT後日要做，想你幫我搵40個大會HELPER，我有BUDGET呀，你放心……」轉個頭這位朋友WHATSAPP我其請人預算……計一計，嘩，連最低工資都未達標！再者，我不是霞姨，我有一班「老臨」在手的話就發達了！
有時我們面對這些啼笑皆非的「查詢」，只想說：「多謝大家睇得起，感激感激！」