面對負能量，好多人都會選擇壓抑，負面情緒來襲就出盡力㩒住佢；購物、瘋狂運動、酒肉狂歡、一夜情，盡之就逼到自己再無任何空間去感受情緒為佳。當然，呢啲行為可能會收到短暫效用，但長久下來人會令人變得麻目。
人生來就係有情緒嘅動物，就算再冷靜再客觀嘅人都會有感到沮喪嘅時候。或者我哋可以試吓唔用「處理」二字，我反而覺得要學懂和自己嘅情緒溝通。我曾經聽過一個講法，我哋負面嘅情緒就有如一個不安嘅小孩子。大家會點同一個失控大喊緊嘅小朋友相處呢？人哋喊緊你會唔會硬要佢笑？還是你會踎低同佢慢慢傾偈、口氹佢，問佢點解喊？
習慣壓抑自己感受嘅人，佢哋就行為就有如不問原因，只強逼個細路即刻收聲一樣。頭一次半次可能有用，但咁好明顯不是長宜之計，更有可能會影響身心健康。
負面情緒其實唔一定如大家想像中咁「負面」，如果能夠善用嘅話你會更了解自己。就好似小朋友喊只係個表象，一定背後另有原因的。可能小朋友想博取注意、扭眼瞓，亦有可能原來係發緊燒唔舒服。
下次此類情緒再來襲嘅時候，允許自己靜落嚟，同時認真問吓自己嘅內心點解會覺得咁難受。唔使怪責自己㗎，有正面有負面的先係一個健完嘅人格！
