7-Eleven自家品牌 7-SIGNATURE 日式麵包系列，已經成為唔少人的生活一部分，買嚟做早餐，鬆軟滋味兼方便，等自己Day Day有個好開始。咁要再快捷方便D，而家7-Eleven推出 「Day Day麵包券」，由今日9月25日至10月22日發售，每本售價60元，包括6張7-SIGNATURE日式包裝麵包換領券，可以換領9款日式人氣口味麵包，包括忌廉牛油軟包、北海道3.6牛乳包、富良野蜜瓜包、朱古力白玉包、朱古力味蜜瓜、日式咖喱牛肉包、吞拿魚包、紅豆包以及芝士包。
Ray係7-SIGNATURE日式麵包擁躉，麵包券今次買硬，不過最吸引Ray的，係凡購買「Day Day 麵包券」一本即送得意、可愛的「7仔麵包兵團」環保袋一個(數量有限，換完即止)，除咗可以買早餐，仲可以做午餐飯袋、或輕便購物袋，袋細細大人細路都適。講返咁得意的「7仔麵包兵團」，原來係7-Eleven以人氣口味的日式麵包特點為構思，每位成員個性各有不同，包括聰明的蜜瓜哥、火爆的咖喱仔、文靜的小紅、純真的忌廉妹和堅毅的牛奶仔。