今時今日，機構最高領導人要夠貼地親民，好似香港迪士尼樂園行政總裁 (Managing Director) 楊善妮 (Stephanie)，自2月上任成為首位女性MD，除了領導大project如業績報告、新設施開幕、露天演唱會等之外，亦會抽時間親身到不同部門包括樂園營運部、商品部、餐飲部、保安及安全事務部等部門，參與在職培訓計劃，親身穿上戲服、體驗前綫人員的工作。
上月初，Stephanie就穿上戲服到「幻想世界」，充當樂園營運部的「實習生」，分別在「小飛象旋轉世界」和「小熊維尼歷險之旅」工作，學習遊樂設施的基本操控、安全守則、處理賓客查詢或突發情況等，仲主動向賓客以廣東話講「唔該晒」。有份第一次培訓行政總裁的樂園營運部的組長黃嘉寶 (Kapo) 和謝美華(May)都大讚老闆非常貼地。至於餐飲部的戶外小食車，呢位MD都有去學習整爆谷和棉花糖。唔知大家入迪士尼玩時有冇遇到過呢位貼地MD呢？