個標題「慾女出擊」咁激！唔好誤會，呢個慾女係食慾個慾，專門幫大家搜刮介紹好食美味新事物，查實佢真身係am730副刊靚女同事，開咗個有關Food&Beverage嘅fb fanspage(慾女吩咐Ray呼籲一下大家快啲like下支持下)，專同大家分享邊度有好嘢食、新餐廳、新menu，甚至放假去旅行都不忘些牙好嘢！呢期興fb Live，慾女亦順應民意，昨日去咗中環Taste of Hong Kong做個fb Live，即場睇同答問題，就隨時有禮物，希望唔好嬲嬲到上鼻就可以啦。
佢一早去霸定靚位同大家現場直擊有咩餐廳同零售booth，等大家做定功課，入到場唔使周圍騰，今次仲搵到大會sponsor咗10張入場門票俾fb Fans，包埋個Corporate Garden Suite任飲紅白酒同啤酒pass，難怪反應咁熱烈！今次錯過咗？唔緊要，其實佢話個個星期都有嘢送，有名你叫「送禮勤」！佢仲有個宗旨，就係劣食照踩唔俾面。個page雖然係under am730，但就有好大自由度，任得佢寫乜就寫乜，絕對係真食評！
