(Facebook截圖)
冬至日，保安局長鄧炳強亦出動，不過不是去工展會掃貨，而係入沙頭角，揾四朵金花找埋條數，一齊開心食返餐！鄧炳強早前安排傳媒及旅遊業界參觀沙頭角新景點，當時是以試驗形式開放禁區，希望令多些香港市民認識沙頭角本地文化，亦讓本地遊多一個好去處。過程當中同村民頗為熟絡，尤其是分別名為「阿SA」、「阿嬌」、「三朵花」、「撈住先」的四朵金花，仲請教四人有關製作沙頭角名物「炒米通」的技巧，亦曾發放網上搞笑短片。短片結束前，鄧sir問金花有乜要求，她們就話希望鄧sir請食飯，於是昨日就去沙頭角找數。