記得喺十年八年前，我剛出嚟做嘢冇耐，遇到嘅最大問題，就係儲唔到錢。
你發現，當你儲唔到錢，你就點都唔可能有多餘錢做你想做嘅事，而如果你問果啲年紀同你差不多，但點解人哋上到車開到舖結到婚創到業，除非暗地裡成功需父幹，否則，佢哋都會答你，係因為起初真係有段時間死慳死抵，咬實牙關儲咗第一嚿錢，然後，儲吓儲吓，唔知點解，一切就開始順利………
富者愈富，貧者愈貧，呢個世界永遠都係錢滾錢，所以儲錢先至咁重要，但好多人唔知點儲錢，又或者覺得一蚊一蚊咁樣慳住儲太慢，永遠都追唔上樓價或者通脹，所以就急功近利，走去炒股票呀，買窩輪呀，倫敦金呀，又或者其他聽落好似好易賺好易儲嘅旁門左道方法，但其實好多都係月餅會老鼠會，莫講話賺唔賺到，就算係拎出嚟嘅本，即係嗰嚿存款，都未必有保障，好多時候貪字得個貧，最後見財化水，喊都無謂。
最近睇咗譚玉瑛姐姐配音嘅存款保障委員會廣告，睇完都幾感觸，講真，啲錢擺喺持牌銀行度，存款就有保障，唔使成日擔驚受怕，驚有朝瞓醒自己辛苦儲落嘅血本無歸，對你同你身邊愛錫嘅人，都係一份無形嘅呵護同信心，呢份不言而喻嘅安全感，就好似譚玉瑛姐姐由細到大陪住我哋一樣，除咗父母家人，真係唔係個個都無條件俾到你㗎，親。