2010年電影《皇上無話兒》
已經很多年沒有入戲院睇戲，不論港產或外國西片，在家中亦很少看電影，原因很簡單，就是因為愈來愈難看得明。
不知何解，新一代導演總不肯拍一齣按時序說故事的電影，硬要將完整的劇情斬開後再重組，將本來可以一看便明的故事，搞到要靠估才能明白。睇戲本身是一種娛樂，又可必要咁辛苦，要人睇到頭昏腦脹呢？
最經典的例子，一定是多年前的《危險人物》。記得當時人在美國，得閒得滯，睇完一次，再睇一次，睇到第三次才明白故事大致講咩，哈哈！究竟將故事斬開晒，為咩呢？真的看不出有何好處。
友人說，這不是插序的寫法嗎？依我話，這叫「撈亂」。另一小友則認為導演專登這樣做，目的是要觀眾睇完戲後繼續慢慢諗，從而引起大家的討論，總之讚又好、鬧又好，都當作是一種宣傳。再加上有很多人愛認屎認屁，就是要找機會炫耀自己智慧及學識，「你唔明我話你知喇！」好似皇帝的新衣一樣，只有佢睇得出。
講到皇帝，近期有一齣西片明明是「皇上的演講」(The King’s Speech)，為何港譯名會是《皇上無話兒》呢？要知道「話兒」本身有其獨特意思，跟那故事根本完全無關，我直覺覺得創作該戲名的人，一定有癖好——喜歡玩弄別人的「話兒」。