Ray多年來和公關結下不解緣，自然留意各公司的公關工作。公關不單要對外社區傳媒工作做得好，對內溝通亦好重要，皆因公司表現全靠一班好員工。近年愈來愈多行業都好關心同事喺職場上的健康安全，老闆同員工都希望可以平平安安返工放工。
喺呢方面，香港國際貨櫃碼頭有限公司就十分積極，每年都推出新花款，兩年前由管理層與全公司一齊做運動，舊年則請來美女導師教授跳職安操。
今年佢哋就推出一式兩冊的職安健新書小冊子，希望以圖像及簡單文字提醒工友注意安全事項，例如天氣熱要飲水消暑，如何做伸展運動等等，Fit晒不同工種各個崗位的工友，所以連到場為新書發布嘅主禮嘉賓勞工處長陳嘉信都讚碼頭公司夠貼心！