香港會議展覽中心昨日同傳媒新春飯局，每道菜都別具心思，中西fusion得來又配有一中文詩句為名，很有意思。Ray忍不住做文抄公，6道菜順序為「魚雁羞花賞閉月、雲裳花豔喜悅容、白裡塗脂續透紅、鱈躍鶯啼春日舞、穠娥撥柳臉泛蓮、姹紫嫣然笑回眸」，單睇個名已經夠晒詩意。席間會展董事總經理梅李玉霞(Monica，左3)講到配合政府智慧城市(smart city)大方向，會展亦會打造成智慧設施，第一件事一定係全面提供免費高速Wifi網絡系統，早前宣布投資了3千萬，預計今年第3季全會展都有新Wifi系統，可同時支援兩萬部流動裝置上網，唔係講笑。