Microsoft香港每年舉行家庭日，寓親子於讓家庭成員了解家人的工作環境，拉近彼此關係。
講開善心善行，昨日仲有一單體貼員工嘅企業資訊，就係Microsoft香港宣布，全面提升家庭相關假期福利(Family Leave)的4大有薪假期，包括：產假、侍產假、領養假及家人看護假。雖然前兩者好多企業都有，但Microsoft香港提供嘅假期日數倍增咗；至於後兩者，本港企業少見，Microsoft香港仲話係領先業界，係唔係都好，Ray認為喺依家講多元與包容的時代，公司識得咁樣照顧員工，點都係好事。
提升咗之後即係點？產假由原本跟勞工法例的10周，增加1倍至20周；侍產假就由法例的3天加到6星期，即係增逾10倍；至於領養假就有6周，家庭看護假則為了方便員工照顧病重親友，而提供每年最多4星期的有薪假，以上假期仲要係支全薪㗎，唔會話放得長就扣減薪酬。打工仔係咪有啲羨慕先！