日前Ray去麥當勞試下新出嘅新餐肉系列，食落有肉的感覺，又煎得幾香，味道啱啱好，由於係植物做出來的，真係減少咗殺生嘅罪惡感。不過呢隻「OmniPork Luncheon新餐肉」系列產品，卻在網上引起熱議，焦點在於廣告標榜的厚度15mm，有網民仲搵把尺嚟度下，指唔足15mm。其實Ray當日睇過廣告都有話15mm係烹調前厚度，不同的煎製過程中水分會流失，因而影響煎製後的厚度，呢個都好合常理，可能部分人忽略咗。
Ray問下麥當勞嘅朋友發生乜事，佢就話今次好冤枉，因為於宣傳品中，如自助點餐機、電子餐牌、櫃枱助銷品、網頁等都有列明15mm係指新餐肉烹調前厚度，話純植物製的新餐肉本身含有水分，煎製過程中水分會流失而稍微影響煎製後產品的厚度，希望顧客留意返，新餐肉系列都係想俾大家多一個選擇。
至於有網民談論OmniPork嘅營養問題，尤其係脂肪量，負責研發的Green Monday方面提供資料顯示，新餐肉的油分來自椰子油，以15mm厚切新餐肉(一片62克)計算，飽和脂肪含量為6.7克。至於總脂肪含量，新餐肉比大多數午餐肉品牌為低；部分品牌生產午餐肉時，會加入澱粉作為填充劑以減低豬肉的比例，因而總脂肪數值會較低。純植物製的新餐肉提供纖維、鉀質和鈣質，是一般肉製午餐肉不能提供的好處。而且新餐肉沒有添加任何硝酸鹽，大大減輕致癌風險，希望大家比較時，應該綜合各營養素作全面比較。