第一次世界認真黑白大戰
小巧合，在「世界認真組織」宣布11月2日會於旺角朗豪坊舉行「第一次世界認真黑白大戰」後，Netflix推出 了《黑白大廚》，希望沒有人會星期六到現場以為可以看到廚師。這個其實是個比賽，內容就是無論甚麼年代的人，誰都由細玩到大的「黑白」，非常簡單，誰比到最後就是冠軍。
這小遊戲在香港非常普及，雖然當然不及包剪揼，但也是家傳戶曉，人人皆知。唯一在策劃活動時非常初期，我們討論過——究竟呢個game係叫「黑白」定「小明」？後來共識了，「小明」是「小明小明小小明，上上下下，左左右右，前前後後火車捐山窿」；「黑白」才是我們所想的，每round加多一下的那個遊戲(明就明，唔明就星期六去朗豪坊)。
其實在搞「黑白大戰」之前，我們這些年來，已經好多次想搞這類無聊到盡的大賽。靈感來自不同的「健力士紀錄」、「AKB48第19張單曲選拔猜拳大會」(已經是2010年的事了)、以前做商台時自己親身參加過的「Subaru耐力賽」(名字已忘記了，比賽內容是要用手掂住部Subaru，手一鬆開就輸，玩足兩日)等等。有想過也搞包剪揼大賽，找出一個從來未猜輸過的冠軍(只要唔輸就係冠軍了)；又有想過搞「Un腳大賽」，不過最後還是覺得「黑白」能配合多點變化，而且還有啲啲咁多「技術」可言，所以就找「世界認真組織」作為「開IG一周年紀念」名義搞個黑白賽。
事實上，諗活動事小，尤其是「只係度個主題」，永遠最辛苦最努力的就是實踐的人。「世界認真組織」和後面的同事們，又約明星玩，又要拍又要剪，又要搵贊助……認認真真組織了首個實體活動。如果星期六下晝，你咁啱得閒，咁啱想去旺角行下街，順個便去觀賞下朗豪坊，唔覺意望下呢個「第一次世界認真黑白大戰」，好唔認真咁影兩張相放上IG/ Threads，佢哋一定會笑得好認真。