由北京回程的時候，我和自己的團友Kin一邊喝紅酒，一邊回憶剛剛在北韓的收穫。我開始換SIM卡。卸下內地卡，我拿出香港卡，小心翼翼放進手機孔洞。
咦，點解深如黑洞，唔見咗張卡？
大鑊，我才見到枱面的iPhone卡槽還未使用！
因為我有數部手機，華碩機的SIM卡是直接放入手機孔洞，不必用卡槽，兩杯落肚，一時大意，照辦煮碗，將SIM卡就這樣光禿禿地放進了iPhone的無底深洞！用曲形針撩來撩去，都無法將卡住窄窄洞口的SIM卡取出來，反而愈撩愈入。心中已經打定輸數，打算回香港後，去CSL客戶服務部取出，但是沒有手機，我連的士或Uber都無法Call！
還是女仔比較細心，見到我大汗疊細汗，對SIM卡無從入手，Kin用女性的纖纖玉手，溫柔地幾下手勢，居然將頑固的SIM卡從洞口中勸了出來！
講開SIM卡，千里情緣一卡牽。如果隔籬坐了美女的話，破冰搭訕的最好方式就是「可不可以借你的SIM卡針」或「你要唔要用SIM卡針」？我的空姐朋友告訴我，成功機會超過九成呢！