蒙古包布置具心思，冷暖氣、收納箱、衣帽架等齊全。
蒙古包有獨立洗滌設備，小朋友幫手洗菜，一家四口野外煮飯仔兼夜賞星空。
一直想帶謙謙、童童去露營，但一想到要買齊配備就卻步……適逢靚靚的西貢「清新地」新推出半農半旅活動，入住靚靚蒙古包，設施齊全，與羊仔一齊露營，在户外聽住流水聲煮自己摘的蔬菜，預備雞煲晚餐(仲要自己執樹枝起爐生火㗎:p)，晚上自己搓麵糰做麵包預備早餐。一望無際的天空，實在太閒適了！
無論營地設施、人手和食材皆上乘，成本相對較一般營地高。兩人收費$1,600，包括住宿及兩日一夜活動、專人導賞、摘有機菜、拾柴生火煮晚飯、自製麵包等。我們詳細介紹每一環節，先分享前篇，明天待續。
有機蘿蔔即拔即洗即吃，葉可餵羊。
《半農半旅清新地》
地點：西貢白水碗(科技大學旁)
時間：星期二至日上午9時至下午5時
交通：科技大學北門巴士站旁，沿梯級往下走約15分鐘
電話：5112 9195
自己執樹枝，配以剛採摘的食材，便可生火煮雞煲。
