以前經常聽人講英國成日落雨，故此，以往英國總給我又雨又陰又濕的感覺。但自從在曼城生活了一段日子，親身經歷過這裏的四季，其實並不盡是如此。雨，當然有，但又不是想像中多得咁交關。講開落雨，香港多集中在夏天，冬天就比較少雨乾燥；而英國則相反，雨水多在冬季，天氣亦較潮濕，加上日短夜長的關係，戶外活動變得少了。如果有朋友帶仔女來曼城玩，又遇着落雨天，那最好有個室內遊樂場給小朋友放放電。
早前好友Winnie一家四口從諾定咸Nottingham來曼城探我，原本我們想帶仔女去玩戶外繩網，可惜天公不造美，看天氣預測他們到埗第一日就落雨，於是我提議不如去Total Ninja玩，一定比改去行商場開心得多。最好在網上預約定時間，避免walk in沒有位而白行一趟。
Total Ninja在曼城的Trafford Park，由巿中心坐巴士去大約半個小時，據講是全球最大的忍者樂園，面積有成4萬平方呎。樂園劃分三個區域，一個適合6歲以上，一個適合10歲以上，還有一個挑戰高難度的區域。場內有11條忍者跑道，設置不同障礙，包括蜘蛛牆、環形滑梯、鞦韆海、旋轉木頭、浮橋、忍者牆等等，全都是考驗大家的體能與身手。
至於我們這些平時少做運動的家長們，恕難做陪玩員了，冇乜事都係去餐廳坐下食下等仔女。餐廳在場館樓上，可俯視整個遊戲區，裝修帶有東方色彩，牆身寫上大大隻中文字，特別有親切感，售賣食物都是典型的熱狗、pizza、薯條、炸雞。當日不但遊戲範圍多人，連餐廳也幾乎座無虛席，買食物要排長龍，還有幾枱客在開生日會唱生日歌，非常熱鬧。下次帶細路來曼城玩，落雨落雪也不怕啦！