Sushi Rin鮨燐彩貝盛宴
喺香港食Omakase，不論係江戶前還是港式鮨店，離不開以魚料作主導，由酒餚至壽司，先來烏賊然後白身魚跟住再來三連鮪，當你食到有番咁上下年資，基本套路會估得到，有時難免會覺得納悶。最近我在尖沙咀鮨燐遇上了一個冇魚食但又好好食的Omakase，師承自見城俊二的立師傅，藝高人膽大，捨魚取貝，推出了一個以貝類作主題的「彩貝盛宴」，這個Omakase一片魚生都見唔到，卻吃得我非常過癮。
這個以貝類為主的Menu，一共有十七道菜
前菜三點 + 刺身X6
赤貝、粒貝、長崎縣小長井生蠔、象拔蚌、白梅貝、醬油燒平貝
全部都極新鮮，須知道貝類海產只要稍為差一點會又韌又腥，鮨燐食材十分優質，首先出場的赤貝厚肉柔韌，北海道粒貝爽脆清甜；生蠔與象拔蚌前者海水與金屬味兼備，後者爽口取勝；白梅貝屬罕見水產，肉厚之餘其肝部濃郁甘香；大大件的平貝，薄切後再醬油燒，夾著紫菜同吃，口感食味一流，再呷一口清酒無以尚之。
壽司X5
鳥貝、小柱、北寄貝、牡丹蝦、海膽
紫鳥貝貝足帶點紫黑色，立師傅將壽司握好後會再拍打一下，刺激鳥貝神經，肉質收縮後更加爽脆，小柱、北寄貝、牡丹蝦各擅勝長，結尾來一貫北海道海膽壽司，一吃入魂。
煮物─蒸鮑魚
入口軟嫩無比，on top的肝醬更凸顯出鮮味。
燒物─壺燒榮螺
主角之一，螺肉做法以壺燒方式處理，將海水鹹鮮鎖在螺肉中，彷彿將整個海洋放進味蕾之中，很精彩的一道菜。
天婦羅─野菜三點、帆立貝
大大隻，炸好後一分為二，呈半生熟狀態的帆立貝最能夠突顯鮮甜。
食事─蛤蜊御飯 / 甜品─抺茶布丁
立師傅似乎想飽死人，再來一個御飯，飯粒吸滿蛤蜊的精華，吃到撐破肚皮也不理了，碗底朝天。
鮨燐【彩貝盛宴】$2,380
*供應期至5月中，大家母親節都可以同媽咪嚟食
上環：蘇杭街128號地下D號舖 2567 1168
尖沙咀：中間道15號H Zentre UG層1號舖 2567 1328
Sushi Rin鮨燐