如果樓市沒有炒家，樓價想不跌都難。(資料圖片)
有老友叫我幫幫忙，買入一個他擁有的單位，我見到價錢不貴，質素非常好，可以講是一個「筍盤」，既然可以幫到老友，於是二話不說買入。買入之後不到1日，有代理話有買家有興趣那個單位，問如果有10%賺，我可不可以割愛？老實說，我交訂的支票仍未過數，有10%都不錯。很多人不明白，我剛買入的單位已經在市場一段時間，何以沒有人買，直至我買入之後，寧願俾錢我賺？
我講很多人都不會相信，第一次買樓的人是很膽小，甚至連身邊朋友都很膽小，如果那人直接同業主買入，就算自己不怕，身邊的朋友都會話樓價還會跌，說不定要撻訂收場。但如果從炒家買入，他們便有信心，認為炒家都畀到價錢，現在只是俾10%炒家賺，作為買保險都抵，身邊的朋友都不敢多說話，除非自覺自已叻過炒家。
如果樓市沒有炒家，想不跌都難，政府亦知道這個道理，所以才推出辣招，買入要BSD，賣出要SSD，有錢賺都未必夠交稅。所以炒家便絕跡樓市，一個只有用家，沒有炒家樓市，很容易會下跌，甚至很難回升，因為用家是不敢在樓市下跌時買樓。換句話說，炒家是有穩定樓市作用，好彩政府撤辣，否則炒家不會投資樓市，樓價不知幾時才可以止跌回穩。
作者為紀惠集團副主席及行政總裁