大約35萬人以BNO身份移居英國，據報大約有17萬人回流。(資料圖片)
由於報紙經常報道劈價蝕讓，理論上買樓的人非常小心，恐買樓之後樓價繼續下跌，令到不少打算買樓的人非常猶豫，即使遇上適合自己的單位，都要諗多一陣，或者與家人商量，何解會出現一些人即睇即買個案。其實道理很簡單，當那些打算買樓的人下定決心去買的時候，那個單位早已被賣走，試過幾次之後，打算買樓的人在買樓之前，不但不會徵詢其他人意見，而且想都不用想，即睇即買，無謂夜長夢多，寧願買咗樓才講俾其他人知道。
至於點解可以不睇樓買樓，這個道理就要天馬行空才可以了解，大家都知道有大約35萬人以BNO身份移居英國，正所謂容易去，容易回流，即使政府遮遮掩掩，亦不知不覺透露大約有17萬人回流，即是兩個人走，一個回流。
離開的人有部分賣了樓才走，當他們回流時發覺一件事，就是當日賣走的單位，今日可以用低價回購，甚至買到更佳的單位。既然已經非常了解那個單位，又平了10%至15%咁多，何解仲要睇樓，正所謂執輸行頭，慘過敗家，如果要睇樓才買，隨時會執輸。所以，不睇樓買樓是極之正常，不用大驚小怪。
作者為紀惠集團副主席及行政總裁