KD賦閒在家的一天（二）
今天的KD甚麼都不想做，明明領先近20分，最後卻因為自己的失誤斷送了勝局，KD自己領軍的太陽隊常規賽不敵新科狀元「斑馬」在陣的馬刺後，在家和已經退休的「甜瓜」安東尼看了NBA LA打吡，快艇和湖人的比賽「火花四濺」，非常緊湊。電話響起，打過來的是Westbrook「西書」，當年KD轉投勇士後的恩恩怨怨都已成過去，如今NBA新生代勢力抬頭，KD和西書這班老兵之間也沒有如以往針鋒相對。「Hey Rus，恭喜你同哈登第3次合作……」KD憶起當年與哈登在籃網被Ben Simmons和Kyrie搞得焦頭爛額，不寒而慄。電話另一旁的「西書」回應道：「開心呀，團隊今年氣氛幾好，好過年頭我喺湖人嘅時候多多聲，嗰時著住件黃色衫，個個都淨係要我孭鑊。今晚同班兄弟打，唔係話要教訓湖人，打波最緊要開心，贏輸都係其次。」KD隔着電話也感受到西書如釋重負，畢竟二人曾經出生入死。「無呀，打嚟想話你知，打唔贏斑馬唔使擺喺心嘅，成季流流長，大把機會教訓斑馬、Luka、同小丑班歐洲仔……係咁先啦。」西書說畢就掛線了，其實KD清楚聽見後面哈登說要拉大隊落Club的聲音，要不然一向長氣的西書怎會「長話短說」。「甜瓜」也曾經和哈登合作，就在一旁看着也深深明白，哈登不論比賽結果如何也要到夜店「放鬆」。
正要放下手機，WhatsApp群組「全明星復康會」傳來短訊，顧名思義就是幾位曾經重創的All-Star球員互相勉勵的地方，進入群組門檻甚高，到現在為止除了KD、Rose和Klay湯，還有來訊的Paul George。「Hey KD，你應該知道哈登嚟咗快艇，佢成日都負責Key波，我之後應該點配合球隊呢？」KD還沒來得及反應，K湯又傳來短訊，「Hey KD，CP3嚟咗勇士，你上年同佢喺太陽合作嘅經驗係點？可以分享下？」KD心想，好歹我也是大家的爭冠對手不是嗎？為甚麼統統走來要我教路？KD怒火中燒，更是百思不得其解，這個群組不是交換一下「長輩圖」便算數的嗎？沒想到這時竟然收到來自「GOAT」的電話：「Hey 勒邦，What's up？打完比賽仲想加操呀？」打電話來的是占士。「Hey KD，唔係呀，打嚟提醒你記得要好好休息，唔好整親，今季完咗我哋要一齊去巴黎打奧運，教訓班歐洲仔，我搞掂咗Embiid㗎喇，佢唔會打法國隊，我盡晒力㗎，你唔係唔俾面下嘛？」，占士的語氣難免令KD覺得有點被要脅。「點會呢？你都休息下啦，再講。」語畢KD便掛掉電話，與一直站在身旁的甜瓜四目交投，安東尼拋下一句：「你GG了兄弟，從來無人拒絕到勒邦。」
以上為今年2月10日本欄的續篇，純粹是我憑空捏造的故事，如有雷同，真係好巧合。 自細捱夜，運動講多過做。鋤波經直線 IG @lingwflj。