史達寧誠實過頭

曼城喺領先兩球下被熱刺連追兩球逼和，運仔似乎真係差咗啲。史達寧單刀被基爾獲加推咗一掌，不過佢冇即時跌低反而起腳射咗個軟腳波，所以球證覺得冇必要吹罰12碼。賽後獲加承認自己犯規，而史達寧就因為太誠實冇借勢跌低博12碼，連佢隊友耶耶托尼都話佢誠實過頭。
19歲仔嘅加比爾捷西斯喺82分鐘後備上陣，幾乎做咗救世主，可惜佢送咗個波入網但被判越位在先。呢位巴西小將係要啲時間去適應天氣、英超踢法同比賽節奏，佢既可以踢翼鋒，又可以係門前殺手，絕對有助加強曼城進攻火力。