比利時前鋒盧卡古即將以7,500萬英鎊由愛華頓轉投曼聯，據報合約為期5年，周薪約20萬鎊，只要通過體測，就可落實交易。個人認為，盧卡古轉投紅魔，的確可以增強球隊前線攻力，紅魔上季就係因為經常錯失埋門機會，好多場波贏變和而失分，但略嫌佢唔值7,500萬鎊。坦白講，開到咁高價錢，愛華頓好難say no，希望盧卡古喺紅魔會有好表現啦。另一邊廂，朗尼回歸母會亦已成為事實，下季將重披「拖肥糖」球衣。朗尼年紀有番咁上下，加上長居後備狀態低沉，絕對唔係摩連奴杯茶，如今重返母會可以多啲上陣，稱得上係雙贏局面，睇番朗尼上季嘅表現，佢選擇離隊，相信唔少紅魔迷都舉腳贊成。
足球男