今晚英超有幾場補賽，其中有場護級打吡戰，由米杜士堡主場對新特蘭。米堡近況差到離晒譜，聯賽連續16場未贏過(6和10負)，對上一場贏波要數到去年12月17日主場贏史雲斯。佢哋攻力疲弱，至今只攻入23球，平均每場入0.69球，係英超入球最少嘅球隊。新特蘭近況亦唔好得幾多，聯賽連續8場未發市(2和6負)，暫列包尾大幡。佢哋攻守皆弱，平均每場入0.81球，但就失1.81球，而且作客差勁，至今只曾兩勝。對賽方面，「黑貓」近6次到訪河畔球場，錄得1勝3和2負，唔太輸蝕。兩隊可謂海軍鬥水兵，難有贏波本錢，預料和波收場。
