赫特回歸英超幫到大槌仔

英格蘭首席門將赫特以外借形式加盟韋斯咸，來季英超球迷可以再一睹佢嘅風采。赫特曾効力曼城多年，一直都係不動正選，可惜上季哥迪奧拿入主後，擺到明認為赫特唔係佢杯茶，刻意將佢借到意甲拖連奴，諗住上季門將哥迪奧巴禾表現不濟，赫特有望回歸，點知哥帥寧願由賓菲加以3,470萬英鎊收購門將艾達臣摩拉斯，似乎佢真係好唔妥赫特！個人認為，韋斯咸今次借用赫特可謂明智之舉，事關以赫特嘅級數，一定比現時幾位韋斯咸門將穩健，加上曼城會支付一半周薪，「大槌仔」又有優先購買權，今次交易可算係雙贏。