桐谷與三浦因拍劇發展到拍拖。
兩人係咪好襯先!
桐谷與三浦被傳媒影到行街街。
兩人相約去商場睇戲。
好瘦但又好靚嘅28歲日本女星桐谷美玲，喺2016年與男星三浦翔平合演劇集《我有喜歡的人》後，兩人開始拍拖。雜誌《Flash》早前就影到兩人行街睇戲兼放狗。日本報章《東京Sports》報道，曾講過30歲前結婚嘅桐谷美玲，將會喺今年12月與三浦翔平結婚，因為12月生日嘅桐谷，到時已係29歲了。其實桐谷美玲係受到已為人妻嘅同門師姐堀北真希影響，因為真希早前不理事務所反對，決意與男星山本耕史結婚，之後更退出藝能界。不過事務所失去堀北，桐谷成為事務所最搵錢藝人，如果桐谷結埋婚，事務所好難短期內捧紅一位藝人代替桐谷美玲，所以桐谷結婚有機會要hold住先。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
