2021-10-01 18:20:00

林欣彤自爆屋企煮嘢食　燒燶頭髮

林欣彤(Mag)日前在社交網上載煮嘢食時燒燶自己頭髮的照片，相中她站在廚房，見她一頭長髮，兩邊髮尾明顯有燒燶痕迹，但Mag 依然鬼馬嘟咀舉V字手勢，原來已經唔係第一次。

她寫道：「我又燒燶咗啲頭髮。我成日都鍾意開咗火之後先嚟抺爐頭，又唔紥起啲頭髮啦，抺抺吓就會聞到燒焦味，咁就好驚啦，然後即刻睇吓個煲入面啲嘢有冇事啦，冇事。咁就喺爐頭周圍搵有咩燒燶或者着火啦，搵極都搵唔到。咁我就繼續煮啦，經過一段時間之後，一照鏡，我就發現唔係第一次㗎啦，到底仲會發生多幾多次呢？嗯！」

好友蔣家旻搞笑回覆：「痴線！嚇死人咩！籌款節目表演，好彩無事！」而網民亦紛紛留言叫她要注意安全。