無綫港台合辦頒獎禮曾志偉期待MIRROR出席

無綫與香港電台合辦音樂頒獎禮，昨日於電視城公布詳情，多間唱片公司高層及歌手出席。大會宣布新頒獎禮定名《香港金曲頒獎典禮 2021/2022》，將於4月3日在Star Hall舉行。

副廣播處長施金獎及TVB總經理(節目內容營運)曾志偉，接受訪問時表示：「好想頒獎禮能夠同香港電影金像獎一樣，擁有公信能力，雖然所有媒體合辦一個頒獎典禮非常困難，起碼今次我哋同港台踏出第一步。」施金獎又強調，頒獎禮會邀請所有媒體參與，又指有邀請MIRROR、ERROR出席記招：「我哋點會冇請MIRROR。佢哋覆咗話劇組好忙，要拍戲，冇辦法出席。」至於MIRROR會否亮相頒獎禮，曾志偉說，「以前廣東歌地位好高，要重拾以前嘅光輝，係要自己人都認同，大家參與先可以做得到。」

處女個唱或再延期 AGA落淚

AGA(江海迦)的處女個唱，原於去年4月舉行，後延期至本月29至30日舉行，奈何昨日政府宣布因應Omicron肆虐，本地表演場所需要關閉至1月20日，令個唱再添變數。AGA出席《金曲頒獎典禮2021/2022》記者會時說，「父母特別嚟香港欣賞，同佢哋兩年冇見，依家可能又要延期。」說時一度落淚，「我同團隊都好努力，自己好想做到呢個騷。」她坦言暫時未有定案。