牛年將至，一家大小齊齊入戲院睇賀歲片的習慣，因著全港戲院關閉而叫停，不過，全家人仍可留家免費睇全新港產賀歲片。hmvod 繼原創劇《向西聞記》第一季後，原班幕後人馬聯手炮製牛年賀歲片《向西聞記 新春sp：阿姨！我不想努力了》，由盧覓雪夥拍何啟華(Dee@Error)、邱傲然(Tiger@Mirror)、黎萬宏(泥鯭@RubberBand)及光頭幫 TomFatki合演，單看卡士已非常爆笑。
電影緊貼疫下時事，以跳舞群組事件做包裝，講述阿Dee演的細華是天水圍落難古惑仔，被人追打到旺角，誤打誤撞之下闖入舞廳避難，因而結識了飾演跳舞老師劉孔的 Tiger，以及泥鯭演的舞廳經理Paul。Dee在Tiger的教路下以「小鮮肉導師」之名登場，連最重磅又難搞的闊太雪姐(盧覓雪)，亦被他所震攝，舞廳因疫情結業，兩人關係起了微妙變化。《向》片已定於牛年大年初一(12日)中午12時上架，供 hmvod會員收看，現時登記成為會員可免首月月費，換言之，可完全免費觀看
盧覓雪與阿Dee大跳熱舞。
Tiger演舞廳的駐場舞蹈老師劉孔。
在戲中，「拉丁小王子」Tiger大顯舞姿，樂於被一群姨姨圍攻，並教急於搵錢的Dee招待姨姨冇底線。而阿Dee施展渾身解數，以劉德華的「迷人」look與雪雪共舞，場面爆笑。看港產片長大的阿Dee更特地加插一些港產片的經典對白和場面，其中「從來做大事講三樣嘢，銀紙！銀紙！同埋銀紙呀！」正是出自《97古惑仔：戰無不勝》的萬梓良教「陳浩南」鄭伊健點做大事的金句。此外，他亦即即興加插張家輝在《掃毒》中「耶穌都留佢唔住呀！」的經典對白，阿Dee直言拍得很開心，感激導演的支持，「今次試咗好多新嘢，希望呈現喜劇感覺，大家睇完recall返港產片回憶，如果未聽過就當廢話笑咗去，大家開心笑得出係我最大希望。」
阿Dee以「小鮮肉導師」之名登場。
「拉丁小王子」Tiger大顯舞姿，被一群姨姨圍攻。
盧覓雪則表示，拍《向》令她首次在銀幕上爆粗，「其實2019年下半年至今，這年半裡，我的日常生活都充滿住粗口，除咗聽人講好多粗口，我自己都講咗好多粗口，都冇諗過可以講到咁流利，所以今次係冇難度。」此外，從不抽煙的她，在戲中初嘗抽煙的滋味，「一cut機就即刻要漱口，好難受，啲味道難頂到爆炸。」
《向》片已定於牛年大年初一(12日)中午12時上架，即時登記成為hmvod會員可免首月月費，換言之，可完全免費觀看。
amJetso送香港美酒佳餚巡禮-品味通行證 立即登入會員參加
