2022-01-02 09:30:00

叱咤2021｜開心林欣彤奪獎欣宜盼明年與許廷鏗三人上台

歌手鄭欣宜在《2021年度叱咤樂壇流行榜頒獎典禮》奪得女歌手金獎及「我最喜愛的女歌手」。欣宜事後與「唱作人」銀獎得主兼男歌手銅獎馮允謙一齊接受訪問。欣宜多謝大家的支持，並再次提到自己一直很介意大家沒有提及她是歌手。

欣宜︰我好愛香港

欣宜說：「我真係好鍾意香港，好愛香港，希望能夠代表香港做一個香港歌手，呢次拎到女歌手獎係一個認證，係特別大感覺同感觸！係一個推動力，我仲有好多嘢要學、嘗試，仲有好多嘢要同大家分享，用香港女歌手鄭欣宜同大家分享我嘅故事。」馮允謙表示見到欣宜一直都很努力，所以對她能夠拎獎大為感動。他又提到自己一向不善辭令，過去一直都努力寫歌，終於獲得大家留意，認為大家要好好珍惜機會同努力。

盼與許廷鏗林欣彤一齊拎獎

提到林欣彤奪得女歌手銅獎時，欣宜爆喊，而許廷鏗得知林欣彤及欣宜奪獎時也大為激動，欣宜說：「我同林欣彤、許廷鏗十年前嚟參加呢個頒獎禮，大家都係新人，一齊拎生力軍金、銀、銅。我哋有個約定，希望有日可以三個人一齊上台拎獎，慶祝大家嘅好，但每年都仲係一個有，一個冇，但呢個係好嘅開始，我哋等埋許廷鏗再嚟，大家加油！」她續指許廷鏗激動得似戥她沒獎不值，認為是愛的表現：「當你真係錫一個人嘅時候，佢嘅快樂係會開心過自己嘅快樂。」

相關新聞：