方力申被指與長髮女去祈福，女方已是人妻。
方力申(小方)一直緋聞多多，日前他被拍到與一名長髮女子去祈福，其後他在網上澄清該名女子是友人的太太。由於一直單身的小方，緋聞源源不絕，他感慨自己常被誤解，於是在網上寫下長文分享自身一個經歷。
小方曾在廁所聽到別人對他評頸品足。
體能好又大大隻
小方稱早前與兩名陌生人分享游泳事宜，之後小方與他們影完大合照後，便去洗手間，十分鐘後，這兩位陌生人也入洗手間，但他們不知小方在場，於是大談小方，除了大讚小方的體能，更認為他應該「食唔少女」︰「體能又好又靚仔仲要識得講嘢，一定大把女啦！」、「咪就係，仲要唔結婚喎，佢一定食唔少，不過有樣嘢佢一定唔使食，就係偉哥喇，體能好又大大隻隻咁！」
【超筍優惠】申請信用卡領迎新獎賞：airpods3或citysuper現金券
小方外型夠煞食，但一直單身。
小方表示當時可以走出去，好讓他們感尷尬，但他未有這樣做。他坦言以前很在意別人誤解他，現在他想通了︰「我哋唔係同一類人或者唔係同一類諗法嘅人。」他又引述一個例子去解釋︰「好似我好鍾意食肉，同一個食素嘅人講。『你呢幾年轉咗食素？餐餐食素？我唔信，有偷食過少少肉嘅！一定有！喂，以前你無肉不歡㗎喎，我打死都唔信你冇！』因為我同佢唔係同類人，諗法唔一樣，又或者我根本做唔到，唔可以食素，所以我咪唔信佢囉。」他希望透過這次經歷勉勵與他有差不多問題的人︰「日後如果大家遇到相似嘅情況，你哋都唔使再唔開心喇。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
