2018-11-28 17:32:00

「老婆生成器」爆紅一鍵生成唔同類型索妻

相信好多人都對未來嘅老公老婆充滿遐想，最近微博上一款「老婆生成器」，一出就爆紅，只要一按掣，就可一鍵幫大家快速生成各種唔同類型嘅老婆，由髮型、身高、上圍Cup數、屬性同性格，都幫你諗埋！

如果唔滿意，可以繼續點到滿意為止，最盞鬼係頁面會顯示「你的第N位老婆」，每按一次就會多一位「前妻」，可惜網頁無法實際產生圖像給使用者看到，大家只能靠幻想。之後仲有網民開發出玩法一樣嘅「老公生成器」，滿足埋女網民。