全靠經紀細心講解兼提供充足資料，上車客單靠睇相及VR 360影片，便以657萬元入手青衣海欣花園低層兩房戶。
如果有機會買樓，相信大部分人都會選擇親身睇樓，甚至睇多幾個單位，可以有得揀、有多幾個盤作比較，但亦有人買樓好似online買衫一樣，單靠睇相、睇VR片便入手數百萬元的「磚頭」。利嘉閣地產皇牌屋苑青衣機鐵站分行市務經理蕭浩麟表示，由該行旗下副經理邱嘉殷（Rivka）新近促成的青衣海欣花園6座低層C室成交，單位實用面積約467方呎，兩房間隔，外望清靜園景，成交價657萬元，折合實用面積呎價約14,069 元。據悉，原業主於2012年以318萬元購入上址，持貨約10年，現轉手帳面獲利約339萬元，期內物業升值約1.1倍。
經紀準備工夫做得足 增買家入市信心
蕭浩麟指出，新買家為上車客，由於業主不方便開放睇樓，故此同事Rivka事前做足準備，先讓客人透過由業主提供的單位相片，以及公司拍攝的VR 360高清實景影片，了解單位狀況後，再向客人提供同類戶型和景觀的單位作參考，給予客人很大的信心，並在沒有親身上門睇樓的情況下，落槌購入上址，過程爽快順利。蕭浩麟又稱，現時海欣花園約有25個放盤，入場價由650萬元起。
立即更新/下載AM730手機APP 體驗升級功能
