中年夫婦無懼颱風帶票睇樓入市，獲業主減價49萬元，以市價550萬元購單幢物業傲凱中層一個實用面積約287方呎一房單位自住。
日前颱風「暹芭」襲港，有買家無懼天氣惡劣，仍積極出動睇樓入市，更有中年夫婦客為換樓，在八號風球下帶票睇樓追入市。利嘉閣地產皇牌屋苑丰匯分行市務經理劉信仁表示，該行新近促成長沙灣傲凱中層A室單位的二手成交，單位實用面積約287方呎，一房間隔，附有小露台，裝修新淨清雅，景觀望開揚山海園景及樓景；原業主開價599萬元，最終減價至550萬元沽出，折合實用面積呎價約19,164元，成交價屬市價水平。
賣舊樓賺400萬 承造三成按揭再入市
劉信仁透露，該對中年夫婦客人是透過該行的「真盤源」平台尋找區內600萬元以下單位，早前曾一日共睇8個單位，最後睇中上址，並無懼「暹芭」襲港，在八號風球下帶票睇樓追入市，最終獲業主減價49萬元成交。他又稱，新買家原本居於荃灣舊樓，因早前將單位售出，並獲利400多萬元，於是手拿現金打算購買樓齡較新的私樓居住；而是次入市傲凱，亦只承造三成按揭，幾近以full pay買樓。至於原業主於2018年初以約567.7萬元購入上址，持貨約4年，一直將單位出租，今次轉手連同使費計算，料微蝕離場。
amJetso 🎁送馬哥孛羅酒店賀年糕點 按此參加👉
