湯文亮回應紀惠放售信德中心：有買有賣才是做生意 已經賺好多錢不能太苛求
紀惠集團持有的上環信德中心西翼35樓連兩個車位，由第一太平戴維斯(香港)獲委託為獨家代理出售，物業建築面積約22,111方呎，以現狀連同現有租約出售，意向呎價約30,000元，意向價逾6.6億元。放售一事引起市場關注，身為紀惠集團行政總裁的湯文亮今日(24日)在其facebook回應此事。
湯文亮在其facebook表示：
「今早去茶餐廳，有客人話，傳聞我出售一層高層信德中心，大約2萬2呎，點解要賣，就算要算要賣，點解唔賣低層，咁高層都要賣。老闆話客人真多事，不過都想我回答，我話做生意，梗係有買有賣，只買不賣或者只賣不買，就唔係做生意，今日所賣的樓層，雖然35樓咁高，但仍然是我們持有的最低樓層，2004年，我們以1.1億買入，今日打算以6.6億賣出，已經賺好多錢，不能太苛求，今日有很多人問我點解賣樓，或者話我唔應該賣，當日買樓的時候，亦有很多人叫我唔好買，話香港啲樓唔值錢，最後當然不再提。」
紀惠集團持有的上環信德中心西翼35樓連兩個車位，以現狀連同現有租約出售，意向呎價約30,000元，意向價逾6.6億元。
然而相隔約4小時，湯文亮再發新帖文：
「今早開例會時，同事話今朝好唔得閒，不少代理問我們賣樓，而且仲係全層高層，冇遮檔海景，究竟堅定流，亦有口臭有問是否被銀行call loan。我話做投資者難，仲出名投資者仲難，如果賣樓，就會問係咪頂唔順，是否被銀行call loan，如果唔賣，就會話我們囤積居奇，令到樓價上升，市民生活叫苦，其實，我賣樓的目的是希望做一個好價，令到其他業主不用賤價賣樓，或者可以令樓價只跌回升，一買一賣，賺了5億元，收了20年租，我話賺夠了賣樓都可以，老闆都冇意見，點解冇人恭喜。」
資料顯示，紀惠集團或相關人士於2004年以約1.1億元購入是次放售物業，若成功以意向價6.6億元售出，帳面將獲利約5.5億元，物業期內大幅升值約5倍。
amJetso 🎁送馬哥孛羅酒店賀年糕點 按此參加👉
